ರಫೇಲ್ ಅವ್ಯವಹಾರ? ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯೂರೋ ಡಾಲರ್ ಪಾವತಿ ಆರೋಪ

ವಿಮಾನ ತಯಾರಕ ಡಸಾಲ್ಟ್ ಕಂಪೆನಿ ಈ ಹಣ ಪಾವತಿಯ ವಿವರಣೆಯನ್ನು ಫ್ರೆಂಚ್ ನ ಭ್ರಷ್ಟಾಚಾರ ನಿರೋಧ ದಳದ ಅಧಿಕಾರಿಗಳಿಗೆ ವಿವರಿಸಲು ಸಾಧ್ಯವಾಗಲಿಲ್ಲ ಎಂದು ವರದಿ ಮಾಡಿದೆ.
ರಫೇಲ್ ಅವ್ಯವಹಾರ? ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯೂರೋ ಡಾಲರ್ ಪಾವತಿ ಆರೋಪ

ಕಳೆದ 3-4 ವರ್ಷಗಳಿಂದ ದೇಶದಲ್ಲಿ ಅಧಿಕಾರಾರೂಢ ಬಿಜೆಪಿ ಮತ್ತು ವಿಪಕ್ಷಗಳ ನಡುವೆ ತೀವ್ರ ಆರೋಪ ಪ್ರತ್ಯಾರೋಪಗಳಿಗೆ ಕಾರಣವಾಗಿದ್ದ ಫ್ರೆಂಚ್ ಮೂಲದ ರಫೇಲ್ ಯುದ್ದ ವಿಮಾನ ಖರೀದಿ ವ್ಯವಹಾರವು ಇಂದು ಮತ್ತೆ ಮುನ್ನಲೆಗೆ ಬಂದಿದೆ. ಭಾನುವಾರ ಫ್ರಾನ್ಸ್ ನ ಆನ್ ಲೈನ್ ಪತ್ರಿಕೆ ಮೀಡಿಯಾ ಪಾರ್ಟ್ ರಫೇಲ್ ಫೈಟರ್ ಜೆಟ್ಸ್ ಒಪ್ಪಂದದಲ್ಲಿ ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯುರೋಗಳಷ್ಟು (8.62 ಕೋಟಿ ರೂ.) ಪಾವತಿಯನ್ನು ಮಾಡಲಾಗಿದೆ.

ರಫೇಲ್ ಅವ್ಯವಹಾರ? ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯೂರೋ ಡಾಲರ್ ಪಾವತಿ ಆರೋಪ
ಚೀನಾ ಗಡಿಯಲ್ಲಿ ಹೋದ ಪ್ರಧಾನಿ ಮೋದಿ ಮಾನ ರಫೇಲ್ ಮೂಲಕ ವಾಪಾಸಾಗಲಿದೆಯೇ?

ವಿಮಾನ ತಯಾರಕ ಡಸಾಲ್ಟ್ ಕಂಪೆನಿ ಈ ಹಣ ಪಾವತಿಯ ವಿವರಣೆಯನ್ನು ಫ್ರೆಂಚ್ ನ ಭ್ರಷ್ಟಾಚಾರ ನಿರೋಧ ದಳದ ಅಧಿಕಾರಿಗಳಿಗೆ ವಿವರಿಸಲು ಸಾಧ್ಯವಾಗಲಿಲ್ಲ ಎಂದು ವರದಿ ಮಾಡಿದೆ. ರಫೇಲ್ ಜೆಟ್ಗಳು ಎರಡು ದಶಕಗಳಲ್ಲಿ ಭಾರತದ ಮೊದಲ ಪ್ರಮುಖ ಯುದ್ದ ವಿಮಾನ ಖರೀದಿ ಆಗಿದೆ. ಮೂರು ಭಾಗಗಳ ತನಿಖೆಯ ಮೊದಲ ವರದಿಯಲ್ಲಿ, ಮೀಡಿಯಾಪಾರ್ಟ್ 2018 ರ ಅಕ್ಟೋಬರ್ ನಲ್ಲಿ ಫ್ರೆಂಚ್ ಭ್ರಷ್ಟಾಚಾರ-ವಿರೋಧಿ ಸಂಸ್ಥೆ, ಅಜೆನ್ಸ್ ಫ್ರಾಂಕೈಸ್ ಆಂಟಿಕೊರಪ್ಷನ್, (ಏಎಫ್ಏ) ಮೊದಲು ಈ ಪಾವತಿಯನ್ನು ಪತ್ತೆ ಮಾಡಿತು. ಮತ್ತು ರಾಫೇಲ್ ತಯಾರಕ ಡಸಾಲ್ಟ್ ಅವರಿಗೆ ವಿವರಣೆಯನ್ನು ಕೇಳಿದೆ ಎಂದು ಪ್ರಕಟಿಸಿತ್ತು. ಸೆಪ್ಟೆಂಬರ್ 23, 2016 ರಂದು ರಫೇಲ್ ಒಪ್ಪಂದವನ್ನು ಅಂತಿಮಗೊಳಿಸಿದ ಕೂಡಲೇ, ಡಸಾಲ್ಟ್ ಈ ಮೊತ್ತವನ್ನು ಭಾರತದ ತನ್ನ ಉಪ ಗುತ್ತಿಗೆದಾರರಲ್ಲಿ ಒಬ್ಬರಾದ ಡೆಫ್ಸಿಸ್ ಸೊಲುಷನ್ಸ್ ಗೆ ಪಾವತಿಸಲು ಒಪ್ಪಿಕೊಂಡಿತ್ತು. ರಫೇಲ್ ಜೆಟ್ಗಳ 50 ದೊಡ್ಡ ಪ್ರತಿರೂಪಗಳ ತಯಾರಿಕೆಗೆ ಪಾವತಿಸಲು ಹಣವನ್ನು ಬಳಸಲಾಗಿದೆ ಎಂದು ಡಸಾಲ್ಟ್ ಹೇಳಿದೆ ಎಂದು ಮೀಡಿಯಾಪಾರ್ಟ್ ವರದಿ ಮಾಡಿದೆ. ಆದರೆ ಮಾದರಿಗಳನ್ನು ನಿಜವಾಗಿ ತಯಾರಿಸಲಾಗಿದೆಯೆಂದು ತೋರಿಸಲು ಎಎಫ್ಎಗೆ ಯಾವುದೇ ಪುರಾವೆ ನೀಡಲು ಫ್ರೆಂಚ್ ಕಂಪನಿಗೆ ಸಾಧ್ಯವಾಗಿಲ್ಲ.

ಪ್ರತಿಧ್ವನಿಗೆ ಬೆಂಬಲಿಸಲು ಇಲ್ಲಿ ಕ್ಲಿಕ್‌ ಮಾಡಿ

ಸ್ಪಷ್ಟವಾದ ಅಕ್ರಮಗಳ ಹೊರತಾಗಿಯೂ, ಬಜೆಟ್ ಸಚಿವಾಲಯ ಮತ್ತು ಫ್ರಾನ್ಸ್ನ ನ್ಯಾಯ ಸಚಿವಾಲಯ ಎರಡಕ್ಕೂ ಉತ್ತರಿಸಬೇಕಾದ ಎಎಫ್ಎ ಈ ವಿಷಯವನ್ನು ತನ್ನ ವರದಿಯಲ್ಲಿ ಉಲ್ಲೇಖಿಸಿಲ್ಲ ಎಂದು ಮೀಡಿಯಾಪಾರ್ಟ್ ವರದಿ ಮಾಡಿದೆ. ಮತ್ತೊಂದೆಡೆ, ಡೆಫ್ಸಿಸ್ ಸೊಲ್ಯೂಷನ್ಸ್, ಈ ಮೊತ್ತವನ್ನು ಉದ್ದೇಶಪೂರ್ವಕವಾಗಿ ಪಾವತಿಸಿದ ಕಂಪನಿಯು ಸುಶೇನ್ ಗುಪ್ತಾ ಅವರ ಒಡೆತನದಲ್ಲಿದೆ, ಅವರನ್ನು ಅಗಸ್ಟಾವೆಸ್ಟ್ ಲ್ಯಾಂಡ್ ಹಗರಣಕ್ಕೆ ಸಂಬಂಧಿಸಿದ ಹಣ ವರ್ಗಾವಣೆ ಪ್ರಕರಣದಲ್ಲಿ ಜಾರಿ ನಿರ್ದೇಶನಾಲಯವು ಮಾರ್ಚ್ 2019 ರಲ್ಲಿ ಬಂಧಿಸಿತ್ತು. ನಂತರ ಅವರನ್ನು ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿತ್ತು. 2017 ರಲ್ಲಿ, ದೊಡ್ಡ ಕಂಪನಿಗಳು ಸಪಿನ್ 2 ಎಂದು ಕರೆಯಲ್ಪಡುವ ಫ್ರೆಂಚ್ ಕಾನೂನಿನಲ್ಲಿ ರೂಪಿಸಲಾದ ಭ್ರಷ್ಟಾಚಾರ-ವಿರೋಧಿ ಕಾರ್ಯವಿಧಾನಗಳನ್ನು ಜಾರಿಗೆ ತಂದಿದೆಯೇ ಎಂದು ಪರಿಶೀಲಿಸಲು ಎಎಫ್ಎ ಸ್ಥಾಪಿಸಲಾಯಿತು ಎಂದು ಮೀಡಿಯಾಪಾರ್ಟ್ ವರದಿ ಮಾಡಿದೆ. ಅಕ್ಟೋಬರ್ 2018 ರಲ್ಲಿ, ವಿವಿಧ ವರದಿಗಳು ರಫೇಲ್ ಒಪ್ಪಂದದಲ್ಲಿ ಭ್ರಷ್ಟಾಚಾರವು ನಡೆದಿರುವ ಸಾಧ್ಯತೆಗಳನ್ನು ವ್ಯಕ್ತಪಡಿಸುತಿದ್ದಂತೆ ಎಎಫ್ಎ ಡಸಾಲ್ಟ್ ನ ಲೆಕ್ಕಪರಿಶೋಧಿಸಲು ನಿರ್ಧರಿಸಿತು.

ರಫೇಲ್ ಅವ್ಯವಹಾರ? ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯೂರೋ ಡಾಲರ್ ಪಾವತಿ ಆರೋಪ
ರಫೇಲ್ ತೀರ್ಪು: ಅರೆಜೀವದ ಹಾವು ಮತ್ತು ಮೆತ್ತಗಾದ ಕೋಲು!

ಈ ಪ್ರಕ್ರಿಯೆಯಲ್ಲಿ, ಭ್ರಷ್ಟಾಚಾರ-ವಿರೋಧಿ ಸಂಸ್ಥೆಯು ಡಸಾಲ್ಟ್ ನ 2017 ರ ಲೆಕ್ಕ ಪತ್ರದಲ್ಲಿ 508,925 ಯುರೋಗಳಷ್ಟು (ರೂ. 4.39 ಕೋಟಿ) ವೆಚ್ಚ ಮಾಡಿದ್ದನ್ನು ಪತ್ತೆ ಹಚ್ಚಿದ್ದು ಅದನ್ನು ಗ್ರಾಹಕರಿಗೆ ಉಡುಗೊರೆಗಳು ಎಂಬ ಶೀರ್ಷಿಕೆಯಡಿಯಲ್ಲಿ ನಮೂದಿಸಲಾಗಿತ್ತು. ಎಎಫ್ಎ ಲೆಕ್ಕಪರಿಶೋಧನೆಯ ವರದಿಯಲ್ಲಿ ಅದೇ ಶೀರ್ಷಿಕೆಯಡಿಯಲ್ಲಿ ಮಾಡಲಾಗಿರುವ ಇತರ ವೆಚ್ಚಗಳಿಗೆ ಹೋಲಿಸಿದರೆ ಈ ವೆಚ್ಚವು ಅಸಮರ್ಪಕವಾಗಿ ಕಾಣುತ್ತಿದೆ ಎಂದು ಉಲ್ಲೇಖಿಸಿದೆ. ಈ ಕುರಿತು ಡಸ್ಸಾಲ್ಟ್ ಬಳಿ ವಿವರಣೆಯನ್ನು ಕೇಳಿದಾಗ ಡಸಾಲ್ಟ್ ಎಎಫ್ಎಗೆ ಮಾರ್ಚ್ 30, 2017 ರ “ಪ್ರೊಫಾರ್ಮಾ ಇನ್ವಾಯ್ಸ್” ಅನ್ನು ಸಲ್ಲಿಸಿತು. ಅದನ್ನು ಭಾರತೀಯ ಕಂಪೆನಿ ಡೆಫ್ಸಿಸ್ ಸೊಲ್ಯೂಷನ್ಸ್ ವಿತರಿಸಿತ್ತು. ಈ ಇನ್ವಾಯ್ಸ್ ಒಂದು ಮಿಲಿಯನ್ ಯೂರೋಗಳಿಗಿಂತ ಹೆಚ್ಚಿನದಾಗಿದೆ ಎಂದು ಎಎಫ್ಎ ವರದಿ ತಿಳಿಸಿದೆ ಮತ್ತು ಇದು 50 ಕಾರು ಗಾತ್ರದ ರಾಫೇಲ್ ಮಾದರಿಗಳನ್ನು ತಯಾರಿಸಲು ಉದ್ದೇಶಿಸಿದೆ ಎಂದು ಮೀಡಿಯಾಪಾರ್ಟ್ ವರದಿ ಮಾಡಿದೆ.

ಆದರೆ ಎಎಫ್ಎ , ಡಸಾಲ್ಟ್ ಕಂಪೆನಿಯು ತನ್ನದೇ ವಿಮಾನದ ಮಾದರಿಗಳನ್ನು 20,000 ಯುರೋಗಳಷ್ಟು ವೆಚ್ಚದಲ್ಲಿ ವಿಮಾನದಲ್ಲಿ ತಯಾರಿಸಲು ಏಕೆ ಆದೇಶಿಸಿದೆ ಎಂದು ಕೇಳಿದ್ದು ಮತ್ತು ವೆಚ್ಚವನ್ನು " ಗ್ರಾಹಕರಿಗೆ ಉಡುಗೊರೆ" ಎಂದು ನಮೂದಿಸಲು ಕಾರಣ ಏನೆಂದು ವಿವರಣೆ ಕೋರಿದಾಗ , ವಾಯುಯಾನ ಕಂಪನಿಯು ತೃಪ್ತಿದಾಯಕ ವಿವರಣೆಯನ್ನು ನೀಡಲು ವಿಫಲವಾಗಿದೆ. ಅದಲ್ಲದೆ ಕನಿಷ್ಟ ವಿಮಾನದ ಮಾದರಿಗಳನ್ನು ತಯಾರಿಸಲಾಗಿದೆ ಎಂದು ತೋರಿಸುವ ಛಾಯಾಚಿತ್ರಗಳನ್ನೂ ಹಾಜರುಪಡಿಸಲೂ ಕಂಪೆನಿಎ ಸಾದ್ಯವಾಗಲಿಲ್ಲ ಎಂದು ಎಎಫ್ಏ ವರದಿ ಹೇಳಿದೆ. ಮೀಡಿಯಾಪಾರ್ಟ್ ಪ್ರಕಾರ, ಎಎಫ್ಏ ತನಿಖಾಧಿಕಾರಿಗಳು ಇದು ಹಣಕಾಸಿನ ವಹಿವಾಟುಗಳನ್ನು ಮರೆಮಾಚಲು ಸೃಷ್ಟಿಸಲಾದ ನಕಲಿ ಖರೀದಿಯಾಗಿದೆ ಎಂದು ಶಂಕಿಸಿದ್ದಾರೆ. ಆದರೆ ಎಎಫ್ಎ ನಿರ್ದೇಶಕರಾದ ಚಾರ್ಲ್ಸ್ ಡುಚೈನ್ ಈ ವಿಷಯದ ವರದಿಯನ್ನು ಸರ್ಕಾರಕ್ಕೆ ನೀಡಿಲ್ಲ ಮತ್ತು ಅದರ ಸಂಪೂರ್ಣ ಪ್ರಸಂಗವನ್ನು ಎರಡು ಸಣ್ಣ ಪ್ಯಾರಾಗಳಲ್ಲಿ ಡಸಾಲ್ಟ್ ಆಡಿಟ್ ಕುರಿತು ಅಂತಿಮ ವರದಿಯಲ್ಲಿ ಉಲ್ಲೇಖಿಸಿದ್ದಾರೆ ಎಂದು ಮೀಡಿಯಾಪಾರ್ಟ್ ವರದಿ ಮಾಡಿದೆ. ಈ ಕುರಿತು ಮೀಡಿಯಾಪಾರ್ಟ್ ಪ್ರಶ್ನಿಸಿದಾಗ ಡುಚೈನ್ ಈ ವಿಷಯದ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದರು. ಅಲ್ಲದೆ ಡಸಾಲ್ಟ್ ವಕ್ತಾರರು ಕೂಡ ಮಾಧ್ಯಮಗಳಿಗೆ ಕಂಪನಿಯು ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ ಎಂದು ಹೇಳಿದರು.

ರಫೇಲ್ ಅವ್ಯವಹಾರ? ಭಾರತೀಯ ಮಧ್ಯವರ್ತಿಗೆ ಒಂದು ಮಿಲಿಯನ್ ಯೂರೋ ಡಾಲರ್ ಪಾವತಿ ಆರೋಪ
ರಫೇಲ್; ಮೋದಿಗೆ ಧನ್ಯವಾದ: ಟ್ವೀಟಿಗರಿಂದ ಪರ ವಿರೋಧ ಚರ್ಚೆ

ನರೇಂದ್ರ ಮೋದಿ ಸರ್ಕಾರವು ಫ್ರಾನ್ಸ್ ನೊಂದಿಗೆ ಒಟ್ಟು 36 ವಿಮಾನಗಳ ಖರೀದಿ ಒಪ್ಪಂದಕ್ಕೆ ಸಹಿ ಹಾಕಿದ ನಾಲ್ಕು ವರ್ಷಗಳ ನಂತರ ರಫೇಲ್ ಜೆಟ್ ಯುದ್ದ ವಿಮಾನಗಳು ಭಾರತಕ್ಕೆ ಬಂದಿವೆ. ಎಲ್ಲಾ 36 ಜೆಟ್ಗಳನ್ನು 2022 ರೊಳಗೆ ಭಾರತ ಪಡೆಯಲಿದೆ. 2019 ರಲ್ಲಿ ನಡೆದ ಲೋಕಸಭಾ ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ಈ ಒಪ್ಪಂದವು ಪ್ರಮುಖ ರಾಜಕೀಯ ವಿಷಯವಾಗಿತ್ತು. ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇತರರು ಪ್ರಧಾನಿ ನರೇಂದ್ರ ಮೋದಿಯವರ ಮೇಲೆ ದೇಶದ್ರೋಹ ಮತ್ತು ಭ್ರಷ್ಟಾಚಾರದ ಆರೋಪಗಳನ್ನು ಹೊರಿಸಿದ್ದರು ಮತ್ತು ಅವರು ಕೈಗಾರಿಕೋದ್ಯಮಿ ಅನಿಲ್ ಅಂಬಾನಿ ಅವರಿಗೆ ಪ್ರಧಾನಿ ಮೋದಿ ಮಧ್ಯವರ್ತಿಯಾಗಿ ವರ್ತಿಸಿದ್ದಾರೆ ಎಂದು ಆರೋಪಿಸಿದ್ದರು. ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಭಾಗವಹಿಸಿದ ಸಮಾರಂಭದಲ್ಲಿ ಮೊದಲ ರಫೇಲ್ ಫೈಟರ್ ಜೆಟ್ ಅನ್ನು 2019 ರ ಅಕ್ಟೋಬರ್ 8 ರಂದು ಫ್ರಾನ್ಸ್ನಲ್ಲಿ ಭಾರತೀಯ ವಾಯುಪಡೆಗೆ ಹಸ್ತಾಂತರಿಸಲಾಯಿತು. ಜೆಟ್ಗಳನ್ನು ಔಚಾರಿಕವಾಗಿ ಸೆಪ್ಟೆಂಬರ್ 10 ರಂದು ಭಾರತೀಯ ನೌಕಾಪಡೆಗೆ ಸೇರಿಸಲಾಯಿತು.

ಒಟ್ಟಿನಲ್ಲಿ ಹೊರಬಿದ್ದಿರುವ ಈ ಮಾಹಿತಿಯು ಭಾರತದಲ್ಲಿ ಇನ್ನೊಂದು ಸುತ್ತಿನ ಆರೋಪ ಪ್ರತ್ಯಾರೋಪಗಳಿಗೆ ಕಾರಣವಾಗಲಿರುವುದಂತೂ ಸ್ಪಷ್ಟವಾಗಿದೆ.

ಮೂಲ: ದಿ ಪ್ರಿಂಟ್

Click here to follow us on Facebook , Twitter, YouTube, Telegram

No stories found.
Pratidhvani
www.pratidhvani.com